Det aktuelle området er i kommuneplanen synt som framtidig boligbebyggelse (B15). Området er ikkje omfatta av reguleringsplan, med unnatak av areal for tilkomstveg/kryss. I nordaustleg del av planområdet går planavgrensinga noko inn i Gnr. 79, bnr. 89 Førdesfjorden (PlanID 200305) og Førreåsen gnr. 79 bnr. 242 (PlanID 201112). I vestleg del går planavgrensinga noko inn i Førdesfjorden sentrum I – området vest, nord og aust for Førdesbotn (PlanID 200055) og i Nygård Terrasse (PlanID 200605). Tilkomstveg/kryss til planområdet vil tilpasse seg desse planane, og deler av desse kan såleis bli oppheva ved vedtak av ny reguleringsplan, jf. § 12-14. Planområdet grenser elles til bustadområde med tilhøyrande veg- og grøntføremål i reguleringsplan for Førre Hageby (planID 200024).
Føremål
Intensjonen med planarbeidet er å vidareutvikle og fortette eksisterande bustadområde, i tråd med kommuneplan for Tysvær kommune 2015-2027 og Regional plan for areal og transport på Haugalandet. Ein ser føre seg eit bustadområde som er tilpassa kringliggjande bustadtypologiar, med spenn i frå einebustader til meir konsentrerte fleirmannsbustader (to etasjar). Området er topografisk delt i to, der øvre del ligg om lag på kote +45, og nedre del av området ligg om lag på kote +25. På øvre del er det rom for om lag fire nye bustader. Det er for bratt til å kunne løyse tilkomst i frå nedre del, og tilkomst er difor tenkt i frå nordaust, i frå Førreåsen. Tilkomst til nedre del av området vil vera i frå fv. 5794 i vest. Her vil det kunne vera rom for om lag 40 bueiningar, som til saman gir om lag 44 bueiningar i planområdet.
Konsekvensutgreiing
Reguleringsplanen skal utarbeidast som detaljregulering jf. § 12-3 i plan- og bygningslova. Planen utløyser ikkje krav om konsekvensutgreiing. Planen, eller tiltak planen opnar for, er ikkje omfatta av forskrift om konsekvensutgreiingar §§ 6-8. Planforslaget sine tiltak vurderast i høve til samfunn og miljø, der m.a. naturmangfald, støy og trafikkavvikling vil utgreiast som del av planarbeidet. Det skal utarbeidast ROS-analyse.
Merknadar
Innan høyringsfristen 17.02.2022 skal moglege merknadar og synspunkt til planarbeidet sendast skriftleg til:
ABO Plan & Arkitektur Stord AS, Postboks 32, 5401 Stord
Eller e-post: poststord@abo-ark.no / haga@abo-ark.no
Dokument
- Følgjebrev. Varsel om oppstart (PDF, 4 MB)
- Planavgrensing 07.01.22 (PDF, 6 MB)
- Planinitiativ Berglytunet (PDF, 3 MB)
- Revidert referat i frå oppstartsmøte Berglytunet (PDF, 175 kB)