Velkommen tilbake til nye og gamle elevar og føresette. Me gler oss til å sjå dykk alle saman!
Personalet har planleggingsdagar før skulestart 11. -13. august.
Tusen takk for godt samarbeid dette skuleåret. Saman skal me forma elevar som opplever læring for livsmestring.
Her kjem litt informasjon om skulestart i neste veke.
Alle elevane er på skulen full skuledag, med unnatak av 1. klasse. Dei har med foreldre/føresette. 1. klasse møter kl. 08.30 og sluttar kl. 11.00. Hugs matpakke og utetøy. Foreldre og føresette i 1. klasse kan vente på skulen, om det er ønskeleg.
I år, som i fjor, er skuldedagane slik:
1. - 4. klasse måndag, onsdag, fredag til 12.30 og tysdag, torsdag til 14.30.
5. - 7. klasse sluttar 12.30 onsdag og fredag. Dei andre dagane er til 14.30.
4. - 7. klasse har tilbod om leksehjelp fredag 12.30 - 14.30. Påmelding på link som blir sendt som skjema i Forms på Visma.
Ungdomsskulen slutter 12.30 på onsdagane og er til 14.30 dei andre dagane.
I august 2017 blei det innført nye reglar som gjeld elevane sitt skulemiljø. I regelverket er det stilt tydelege krav til skulane om å informere elevane og foreldra om rettane i kapittel 12. Skulane skal også informere om aktivitetsplikta, og om at saka kan meldast til Statsforvaltaren. Me ønsker sjølvsagt ikkje at saker skal enda hjå Statsforvaltaren, men at me saman finn løysningar som er til det beste for borna.
Merk dykk at skulefotografen kjem måndag 18. og tysdag 19. august.
NB: Frå skulestart 2024 er retten til eit trygt skulemiljø, skulemiljø til elevane, flytta til kap. 12 i opplæringslova. Det er nye endringar i lovteksten frå 1.8.2025.
Du finn meir om elevane sitt skulemiljø hjå Udir.no, på Statsforvaltaren si nettside: Statsforvaltaren i Rogaland og på heimesida vår under Trygt skulemiljø
Skuleruta er lagt ved her, og på heimesida
Me håpar elevane er klar til å starte opp att. Me skal vere klar til å ta i mot dei:)
I eit folkehelseperspektiv er det viktig at ungane syklar eller går til og frå skulen, når det let seg gjere. Det ser me gjerne at fleire elevar får til. Nå er det gjort gode grep i Slåttevikkrysset.
Me ser fram til samarbeidet med dykk og er sikre på at me saman skal ruste elevane for framtida. Ei framtid i rask endring som det er spanande å trø inn i, saman med ungane dykkar.
På vegne av personalet ved Tysværvåg barne- og ungdomsskule.
Helsing
Geir Dybdahl, rektor
Sjå skuleruta vedlagt under her:
Skulerute 2025-26 TK (PDF, 83 kB)