Julemarknad onsdag 4. desember 2024 kl. 16.30 - 18.30

Når ting gjentek seg, blir det fort ein tradisjon. Me inviterer til julemarknad for femte gong, og ser fram til ein fin ettermiddag på skulen. Me startar opp kl. 16.30 og held på til 18.30. Elevane har førebudd ulike aktivitetar den dagen og det blir sal av dekorasjonar og noko som kan etast. Kanskje kjem nissen?

Publisert 14.11.2024 07:27

 

Me legg opp til at føresette og andre i bygda kan ta turen og sjå, det er lagt opp til ein ettermiddag kor folk kan treffast.

Peparkakeby

6. klasse inviterer alle elevar ved Tysværvåg barne- og ungdomsskule til å stilla ut sjølvlaga peparkakebyggverk i TBU sin peparkakeby. Byen skal stillast ut på julemarknaden 4. desember, på Sørhuset. Ferdige peparkakebygg kan leverast saman med ein lapp med namn og klasse på personalrommet i forkant av marknaden. Bygg det du vil av peparkakedeig som kan passa til å stillast ut i ein peparkakeby. Bygg gjerne heime saman med familien din

Tidlegare år har det vært fantastisk mange flotte byggverk. Klarer me like fine i år?

Det vil bli fleire premier. Vinnarane blir trekt i kategoriane:

 1.Finast vindauge                                             

2. Finast pynt

3.Beste byggverk                                             

4. Mest kreative bygg