Barnebokveka 2025

Barnebokveka 2025 er vel overstått og eit heilt nytt kapittel er skrive i boka om skulehistorie på Nedstrand, i Tysvær og Noreg. Og for ei veke det har vore!

Publisert 20.10.2025 08:36

Måndag blei klasseromsdørene dekorerte med fargerike, spennande bokframsider. Tysdag laga mange av elevane bokmerke i allslag fasongar og fargar. Onsdag var samlesingsonsdag og 6. og 7.klasse las for fadderborna sine i 1. og 2. klasse. Torsdag kunne elevane lese overalt, til og med under pulten eller i vindaugskarmen. Og fredag var det duka for grand final med bokkarakterdag. Denne dagen kunne du møte Pulverheksa, Tigli, Nancy Drew, Minnie Mus, Prinsessa på erta, Julenissen, Gubben og katten, hekser, tjuvar, og mange andre karakterar frå barnebøker. I gymsalen hadde 5.klasse laga til catwalk og danseleiken for 1.-4.klasse og etterpå dukka Mormor opp med «nysteikte vafler» (vaffelkjeks) og saft til alle. Biblioteket har blitt pynta med bokmerke frå alle verdshjørne og mange nye bøker er blitt presenterte for elevane og gjort tilgjengelege på biblioteket vårt, og elevane har fått god tid til å dukke ned i litteraturen og dens magiske verden.

Barnebokuken 2025