bLEST feirar 20 år med litteraturfest for heile familien

I år er det 20 år sidan den første bLEST Litteraturfesten blei arrangert i Tysvær. Det blir markert med eit innhaldsrikt jubileumsprogram som byr på opplevingar for både små og store.

Festivalen går frå onsdag 28. oktober til søndag 1. november. I jubileumsåret byr bLEST på eit særleg innhaldsrikt program med forfattarmøte, litteraturopplevingar og arrangement for publikum i alle aldrar.

Enten du er glad i spennande forteljingar, inspirerande forfattarmøte eller gode kulturopplevingar, byr årets festival på noko for dei fleste.

Du finn heile programmet på Tysvær bibliotek sine nettsider. Du kan også hente eit fysisk programhefte på Tysværtunet kulturhus og på Tysvær rådhus.

Er du usikker på kva du skal få med deg? Bibliotekarane på Tysvær bibliotek hjelper gjerne med gode anbefalingar. Dei kan også hjelpe deg med billettkjøp dersom du ønskjer å kjøpe billettar fysisk.

Velkomen til bLEST Litteraturfest i Tysvær.