Oppstart av ny temaplan for vatn- og avløp 2025-2050

«Temaplan for vatn og avløp» legg i stor grad føringar for kommunens investeringar og drift  innanfor vatn- og avløpssektoren. Formålet med revisjon av planen er å oppdatera innhald i  samsvar med dagens situasjon og med tanke på endring av rammevilkår og krav. 

Tilvising til lov- og regelverk i planen oppdaterast og supplerast om nødvending. Målsetjingar for vassforsyning og avløpshandtering oppdaterast i samsvar med dagens og framtidig situasjon.  Befolkningsutviklinga reviderast i overensstemmelse med SSB sine prognosar og inngår blant  anna i vurdering av framtidig dimensjoneringsgrunnlag for vass- og avløpssektoren. I tillegg til å  vurdera tilrettelegging for eksisterande busetnad vil òg tilrettelegging for nye utbyggingsområde  inngå i planens vurderingar. 

For å kunne nå overordna målsetjingar, og for å kunne vidareføre ein vassforsyning og  avløpshandtering i Tysvær kommune, skal det utarbeidast ein handlingsplan. Tiltak i gjeldande  handlingsplan vil supplerast med nye tiltak, og utførte eller utdaterte tiltak tas ut av planen. Tiltak i handlingsplanen vil få ei prioritering med omsyn til ønskt utbyggingstakt i perioden 2025  til 2050. 

Send kommentarar til hovudplanen her

Frist for uttale er 07.08.2025

Kommentarar og merknadar kan òg sendast til: 
Tysvær kommune, postboks 94, 5575 Aksdal, eller e-post til: post@tysver.kommune.no