IKT-standard for Tysvær-skulen

1. Eleven skal få tilbod om grunnleggande opplæring i bruk av skulen sitt nettverk, datautstyr og programvare. Som eit minimum er dette:

• Bruk og vedlikehald av digitale verktøy
• ItsLearning (den digitale læringsplattformen i Tysvær kommune)
• Tekstbehandling, presentasjonsverktøy og regneark
• Digital danning (dømmekraft, kjeldekritikk, nettvett og etikk i ein digital kvardag) 

2. Eleven skal oppleve at planar, dokumentasjon av læringsprosess og vurdering vert presentert på ein ryddig og oversiktleg måte i ItsLearning. Eit minimum er: 

• Årsplanar for alle fag
• Arbeidsplanar for alle fag
• Tilbakemeldingar frå lærarane som hjelper deg å forstå korleis du kan forbetre deg 
• Oversikt over karakterar, fråvær og anmerkingar (ungdomstrinn) 

3. Eleven skal møte eit variert utval av digitale læringsressursar i alle fag. Det kan være: 

• Installert eller nettbasert, frikjøpt programvare 
• Læremiddel frå forlaga sine fagnettsider 
• Faglege videoar 
• Andre fagrelaterte digitale ressursar 

4. Eleven skal ha moglegheiter til å auke læringsutbyttet sitt ved å arbeide med digitale verktøy i tillegg til tekstbehandling, presentasjonsverktøy og regneark. Det kan være: 

• Sosiale medier, til dømes Facebook, Google+, YouTube, samskrivingsverktøy, blogg og wiki
• Verktøy for innhenting og organisering av informasjon, til dømes Google, OneNote og ulike tankekart 
• Fagrelaterte digitale verktøy, til dømes matematikkverktøy, teikneprogram og simulatorar 
• Verktøy for dokumentasjon, til dømes foto, film og lyd 
• Verktøy for koding og programmering 

Elevane får tilgang til digitalt utstyr som dei kan bruke i dei åra dei går på skule. 
Skulen og lærarane forventar at elevane: 

• Tar godt vare på utstyret og følger IT-reglementet 
• Utlevert utstyr er med og klart til bruk på skulen kvar dag 
• Berre brukar utstyret til fagleg arbeid i undervisninga 
• Ikkje brukar utstyret og skulens nettverk til mobbing eller annan ulovleg verksemd