Logg inn Joomla

Logg inn Joomla

Presentasjon av nye bøker

Skrevet av Astri Eliassen. i kategorien Grinde skule

bokmelding

Den årlege leseasksjonen – Vinterles er i gong. Hege N. Paulsen frå folkebiblioteket i Aksdal presenterte nye bøker til stor glede for elevane frå 1.-7 klasse.

I forrige veke var det mellomsteget som fekk smakebitar på nye, spanande bøker. Elevane sjølv var programleiarar og mima bøker dei hadde lese. Elevane fekk gjette kva bøker dette var. Deretter viste Hege mange kjekke, spanande og morosamme bøker. Boka «Hitlers hemmelighet» og «Motemysteriet» var bøker mange elevar fekk lyst til å lese.

Denne veka var det 1.-4. trinn sin tur til å få høyra om nye bøker. Også denne gong var det elevar som stod for det meste av programmet, blant anna programleiarar, dei leste opp bokmeldingar og spelte på gitar, før Hege presenterte bøker. «Barske bøller», «Familien Schwindel» og «Marcus & Martinus» var bøker mange elevar viste interesse for. Me må nok spørje rektor om me kan få kjøpa inn nokre nye bøker til skulebiblioteket vårt.

Skypemøte i 7. klasse

Skrevet av Astri Eliassen. i kategorien Grinde skule

skoletime 640x480 400x300

I samband med spelprosjektet i 7.klasse, hadde 7.klasse i går Skype-møte med ein speldesigner frå spelselskapet Krillbite. Elevane har arbeida med å designe eigne spel i eit tverrfagleg prosjekt den siste tida, og vi tenkte det kunne vere moro å få litt innspel frå ein profesjonell. Adrian fra Krillbite fortalde om korleis dei jobba, om inspirasjon og prosessar, om utdanningar som var relevante og om personleg forhold til spel. Elevane hadde og førebudd spørsmål til Adrian, og dei fekk gode svar på mykje av det dei lurte på.

Pepparkakehus

Skrevet av Astri Eliassen. i kategorien Grinde skule

6. klasse har laga flotte pepparkakehus. Først måtte dei teikna sitt eige hus for så å gå i lag 3-4 stykker og diskutara seg fram til kva for eit hus dei skulle byggje. Dei måtte laga malar og montere saman for å sjå at det gjekk. Malen brukte dei når dei kjevla ut, og etter steiking blei husa monterte og pynta. Blei dei ikkje flotte?

Pepperkakehus1 640x480

Barnetråkk

Skrevet av Astri Eliassen. i kategorien Grinde skule

15127504 10153879613667016 602875475 o

Etter plan- og bygningslova har kommunene eit særskild ansvar for å sikre aktiv medverknad i planprosessane frå blant anna barn og unge. Barnetråkk er ein metode for barn og unge til medverkning i den kommunale arealplanlegginga. Barn og unge er ekspertar på fysisk miljø. Dei opplever og brukar gjerne utemiljøet annleis enn det planleggarane og politikarane trur. Elevane frå 5.-7. klasse på Grinde får gjennom Barnetråkk uttale seg til Tysvær kommune om korleis dei opplever nærmiljøet sitt.