Fødselpermisjon
Foreldre har lovfesta rettar under svangerskap, fødsel, adopsjon og når barna er små. Det er støtteordningar for heimearbeidande, yrkesaktive, arbeidsledige, skuleelevar og studentar med lån i Statens lånekasse og for dei som avtjener verneplikt.
I forbindelse med fødsel og adopsjon har foreldre rett til fri frå arbeidet etter nærare bestemmelsar i arbeidsmiljølova. Retten til fri frå arbeidet gjeld parallelt og utvida i forhold til bestemmelsane om foreldrepengar i folketrygdlova kap. 14, som regulerer retten til løn under permisjon.
Betre rettar kan følge av kollektiv avtale som arbeidstakaren er omfatta av.
Foreldrepermisjon i barnet sitt første leveår
Foreldra har til saman rett til foreldrepermisjon i inntil tolv månader eller så lenge det vert ytt foreldrepengar frå folketrygda.
Før fødselen har mora rett til tre vekers svangerskapspermisjon. Etter fødselen skal ho ha fødselspermisjon dei første seks vekene. Etter dette kan retten til permisjon delast mellom foreldra. Foreldra kan ta permisjon samstundes, men dette kan få konsekvensar for retten til foreldrepengar.