Adressetildeling/adresseendring

Seksjon for kart og oppmåling i Tysvær har ansvar for tildeling, endring og registrering av adresse. Kulturstyret fastset namnet på vegen, jf kap 15.2 i forskriftene.

Kommunen bestemmer for kva område ein skal tildele offisiell adresse, jf kap 15.3. I Tysvær vert byggjefelt prioritert, men på sikt vil alle bustadhus få offisiell adresse. Arbeid er i gong i ytre del. Tildeling av adresser i byggjefelt vil finne stad på eit tidlig stadium, helst når reguleringsplan/tomtedelingsplan er godkjend.

Offisiell adresse kan tildelast alle bygningar som nyttast til bustadformål, fritidsformål, næringsverksemd, offentleg verksemd og anna verksemd som tener eit større publikum så langt det er formålstenlig. Ubygde eigedommar kan og tildelast adresse. Døme på dette er eigedommar som er planlagt bygt eller område som eit større publikum gjer seg nytte av, t.d. idrettsanlegg. jf kap 15.4.

Adresseeininga skal tildelast den vegen den har tilkomst frå,
jf kap 15.5

Det er i hovudsak to prinsipp som vert nytta ved adressetildeling.

1.Tradisjonell gate- og vegadressering vert som oftast nytta i tettbygde strok. Same side skal anten ha berre partal eller berre oddetal. Det mest vanlege er å ha partal på venstre side og oddetal på høgre side. Nummereringa langs sidene til ein veg skal gå mest mogleg parallelt og ein bør reservere ledige nummer i tilfelle utbygging.

2. Avstandsprinsippet vert nytta i område med spreidd busetnad. Her vert nummertildelinga rekna ut frå startpunktet til vegen rekna i 10-meter, for eksempel ei adresseeining som ligg 400m frå der vegen startar gjev nummer 40.

Ein kan også nytte seg av kombinert tradisjonell adressering og adressering ut frå avstandsprinsippet.